Ред за леб, ред за млеко, ред ... за компјутер

Браво за премиерот. Конечно си ја оствари целта - да донесе промени. Еве сега, речиси секој студент што запишал четврта година може да си земе ваучер во вредност од 12 300 денари.

Само што изгледа некој овде се зафркава. Прв дојден, прв услужен кај нас баш не функционира и предизвикува хаос. Чекајќи во редот пред студентски прашања и губејќи воздух, сфатив сега колку убаво им било луѓето кога чекале ред за леб и млеко пред продавниците.

Извинете, дали некој сака да не врати во социјализмот???

Неколку слики што вредат да се погледнат

„Што правам јас по ѓаволите?„ - би се запрашал дури и самиот Салвадор Дали, доколку беше жив и ги погледнеше овие слики. Некако, случајно и мене ми паднаа в очи. Дали се поместуваат границите на надреализмот, или можеби се прави токму она вистинското, со кое ќе се зацврстат тешките зборови од Манифестот на надреализмот, останува се уште неразјаснето, можеби најповеќе поради игнорантскиот однос на историчарите на уметност кон овие дела. Како и да е, доколку ви се допаднат сликите, можете истите да ги видите на страната www.wwwcomcom.com

За сега не знам чии се овие слики. Но како и да е, вредат да се погледнат.

Во Милка чоколадото има марихуана!

Здраво. Еве ме со интересна вест кое ме воведе во едно проучување. Во весникот Шпиц прочитав дека Швајцарското министерство за правосудство ги предупредило земјоделците во земјата да престанат да ги хранат кравите со марихуана. Наспроти забраната, која е во сила од 2005 година, во последно време се почести се рекламите кои ја промовираат марихуаната во исхраната на животните. Земјоделците пак сметаат дека марихуаната има благотворен ефект и оти состојката ТХЦ ги прави кравите „среќни„, кои поради тоа даваат повеќе млеко. Научниците пак тврдат дека дел од состојките на ТХЦ се излачуваат преку млекото. Така да, во производите на Милка има марихуана. А во светот има толку зависни од неа. Таа е толку нежна, слатка...
Ги жалам зависниците од Милка.

Бели ноќи - Црни трипови

Можеби требаше да добие само позитивни критики, но г-нот Трифун Костовски навистина не се разбира во организација. Некако сите нешта се случуваа во ист термин, некако како 19 часот да беше пресуден за сите нешта. Бодан и Кокан свиреа добро, но премногу кратко. Можеби требаше и воопшто да не свират. Во Музејот на град Скопје имаше бесплатна презентација на сортни вина, но за кого како. Доколку не бевте облечени во сако или костум, чичкото којшто стоеше на масата ќе ви речеше дека мора да праша, ќе отиде во другата просторија, ќе се врати и ќе ви каже дека не може.

Дали некој доби програма? Јас морав да одлепувам од оние кои беа залепени по улиците за да знам каде да одам попрво.

Во МКЦ требаше да има вечер на рок и алтернативни бендови. Но и таму повторно бев заебан. Ниту рок ниту алтернатива. Само некои дечки кои првпат фатија гитара и микрофон во рака, па се замислуваат дека се некој и нешто. Одоние групи што ги проследив, ги познав Нихилист, Лоши Деца, Smut и Dedicated for Life.

Единствено добро беше Што сите продавници работеа до сабајле, па така без проблем морав да си купам некои работи за да си ги лечам траумите од таа вечер. Сепак, шеститки за напорот и се надевам ќе прерасне во добра традиција. Сепак, Скопје не е метропола. Нема метро............

Распаѓање на "Архангел"

Од сигурни и проверени информации, дознав дека култниот македонски рок бенд Архангел ќе престане повеќе да егзистира. Богами, требаше веќе конечно Ристо да се свести од ситуацијата и да започне нова приказна во македонската рок - енциклопедија. Затоа некаде на крајот на октомври се планира да се направи последен концерт ( веројатно на Скопски Саем) и да се стави точка на егзибициите на Ристо. Се надевам дека дотогаш ќе успее да ги научи сите песни напамет и нема да држи досадни говори пред нас - идиотите.

Затоа очекувам да соберете доволно пари и да ги видите Архангелите за последен пат.

П.С. Специјално за овој концерт, во групата повторно се врати Драган Гиновски. Закон...

ТероРисто Шишков

Како љубител на театарот, од 8 до 14 Септември бев да го проследам 13-то издание на ФКТ Ристо Шишков, кој оваа година за прв пат беше интернационален. Премногу дигање прашина зад себе. Кога се мисли на интернационално, не се мисли само на две претстави надвор од Македонија и тоа од Ш-категорија, а за македонските и да не зборам - веќе одамна во Македонија се прават ретко добри претстави, кои годинава немаа можност да дојдат на овој фестивал. Секоја чест на исклучоците. Оние претстави коишто беа добри, не беа ставени во конкуренција, затоа што не исполнуваат некои критериуми за овој фестивал. Некој треба да го фати господинот Бајруш Мјаку и да му објасни дека како селектор мора да ги погледне сите претстави, без разлика дали се од Македонија или не и да направи соодветна селекција. Но, не е само тој крив. Секоја година е исто, ама богами годинава полошо и не можеше да биде.

Најдоброто нешто од овој фестивал беа шведските маси и бројните бизнисмени во костуми, кои се грабеа за месото како да не јаделе ништо последните неколку години. Секоја чест за овогодинешниот лауреат, Васил Зафирчев, но од најлоши претстави и театарски остварувања , се одбираше помалку лошото.

И секоја година се дига голема прашина за големото име на актерската сцена во Македонија, за доајенот Ристо Шишков, кој додека беше жив не можеше да дозне дека бил толку добар, и како неговата одлична глума е предизвик за секој актер во Македонија. Се најдобро, ама ајде да не бидеме толкави големи полтрони.

Тероризирајте се и вие, па догодина не дај боже случајно да налетате на овој фестивал.

Проект за развој на туризмот

Согледувајќи ги состојбите и климатските промени кои се случуваат во целиот свет, најдов начин како од сето тоа да извлечеме корист. Се разбира, треба да има заинтересирани за овој проект. Имено, до 2010 година, нивото на водата ќе биде значително покачено и приморските земји ќе бидат поплавени. Македонија не излегува на море.Но тогаш ситуацијата ќе биде различна од таа досега. Во Гевгелија цената за купување земјиште е евтина, па кој сака да заработи многу пари, нека купи големо земјиште и нека почне да гради хотели. Заработувачката е 100 %.

И после да ги видиме Грците нека зборат дека нема Македонија и дека Алексндар бил Грк. Тогаш нека одат на Олимп кај Зевс и да му прават друштво.

Овој проект наскоро ќе биде предаден на Владата на Р.М. и очекувајте во скоро време да одиме на плажа во Гевгелија.